لو تدري البعد شيسوي وسط الروح

من طرف **iraqnt** الأحد 27 فبراير - 2:12

لو تدري الفراك بحالتي شسوه

مثل طفله يتيمه ومن اجاهه العيد
ظلت عينهه على الباب تتلوه

جروح البيهه زادت شككت بالثوب
بس الله اليداوي واهل المروه

لو تدري خلف جروح زغار
كبرن بالبعد واتزوجن قسوه

حفل بعدك ضخم وتوزعن دعوات
عازم شكو شامت..يسوى ما يسوى!!

امنتك عليه وخنت ودي شبيك؟؟
صافن بس عليك وماي من جوه

انطيتك عمر بهمومه والافراح
والاشعار كلهه ترخصت..فدوه

ياتربة غدر ودموع عيني الماي
تشربهم بساع وابد ما تروه

لو ندري العشك يلعب لعب بالروح
ما حبينه شخصك لا ولا نهوى

من يا صخر *ك انته اي مخلوق؟؟
وبداخلك كلي شيضم وشيحوى؟؟

ما اكلك اناني لا ولاغدار
اكلك انته انته وقدر شتسوه

ما اخاطب ضميرك ادري بيه مدفون
واليخاطب الميت ينتظر صحوه؟؟!

ما ابجي على حالي اني ابجي عليك
اخاف عليك منك لاحتك عدوى

حبيتك نعم اعترف اني بهاي
مااكدر اكرهك هيه مو كوه

بس حبيت اسلم واسال على الحال
عساك بخير وتنال الذي تهوى

ليه يا دنيا المحبه اخذت مني اللي احبه

من طرف Just Love الأربعاء 9 مارس - 17:30

لو ندري العشك يلعب لعب بالروح
ما حبينه شخصك لا ولا نهوى

صح السانك
يعطيك العوافي

لو تدري البعد شيسوي وسط الروح

لو تدري البعد شيسوي وسط الروح

رد: لو تدري البعد شيسوي وسط الروح

مواضيع ذات صلة