(ولك شلون مات ) عراقيين

من طرف Just Love الأحد 24 يوليو - 15:24

حوار بين عراقيين (ولك أشلون مات؟) ..

ولك أشلون مات؟

القصة:

الأول: أشلونك وأشلون أبوك .... أن شاءالله صار زين؟؟؟

الثاني: آني زين الحمدلله ... بس الوالد أنطاك عمره

الأول:العمر ألك آني أعرف هو بيه قلب ... مو؟ ياالله الله يرحمه

الثاني: بس والله ما مات من القلب

الأول لعد أشلون مات ؟؟؟؟

الثاني: الله ايرحمه بآخر أيامه ضعف نظره وطلع

بالبالكون ومشاف الحافة و وقع وتعرف
أحنة بيتنا طابق ثالث

الأول: لالالا على هاي الموته ... بسهم الله يرحمه

الثاني : والله اتعذبنا بيه هوايه ... سويناله عشرعمليات ياالله أتحسن

الأول: لعد أشلون مات ؟؟؟؟؟

الثاني: صار يمشي على عكازة ... ومرة دا يعبر الشارع و دعمته سيارة

الأول: لالالا ... الله يرحمه

الثاني: ربك رحيم .... مر من يمّه واحد من جيرانّه وحطّه

بالسيارة و نقله للمستشفى بس النزيف
الداخلي جان رهيب

الأول : الله ايرحمه بكل الأحوال

الثاني :بس سافّرنا بيه لسبانيا وبقينا يمه ستة أشهر وأتحسنت حالته

الأول: لعد أشلون مات راح أتخبل

الثاني: صار بيه فشل كلوي حاد و ردنه واحد يتبرع ليه... ما لقينا وصار بيه تسمم

الأول: ياالله أرتاح ... الله ايرحمه

الثاني: بالصدفة أجه واحد أيعرفه من زمان وأتبرع

الأول:ولك ما تكلي أشلوووووووووووووون مات؟؟؟؟؟

الثاني : كاعد بالبيت و الغاز مشعول و أحترك البيت

الأول:ايباااااااااااا

أشلون موتة رهيبة

الثاني:- بس والله جارنا الله ايجازيه بالخير ... كسرالباب ونقذه

الأول:يا زمال متفهمني أشلون مات؟

الثاني:- والله أضطرينا أنضربه طلقة براسه ياالله مات