أشعار عراقية - هدية لكل العراقيين

من يوم ضاع الوطن ماشفت بس الهم
ومن الحزن جرعات ظليت بس الهم
ورغم الالم ياصاح ظليت أباسلهم
وماذليت نفسي لحكم الاجناب

بنور عيني مرسالك وصلنا
بجيت ودمعي بلل كل وصلنا
امانه عليك لاتقطع وصلنا
عساني انذر وحي لترابك فديه

لغيرك ما جرى دمع ولا هل
غاب القمر بعدك ولاهل
مابقى لي بالدنيا جار ولاأهل
بس انت وقطعت الوصل بيه

بجت العيون من شافت حديثه
شيكول الشاف ما يوصف حديثه
حشد طاغوت وجيوشه حديثه
على أهل الوفا والروح الابيه

هاسل بالقلب بجفاك هامات
وياما قبال سيفي انحنت هامات
اخبرك روحي نص الليل هامت
عليك وسحل جابتني من ايديه

عرفتك وعرفت لغزك وحلاك
وحك من جملك يا أسمر وحلاك
جذب من ايدي اهدنك واحلاك
لانك روحي وفراكك منية

الحلاوة البيك يا اسمر من تمركم
وروحي اتذوب يمكم من تمركم
أدوخ من اريد احسب من تمركم
واحد بس اشوفك تسعمية

حبيبي انشد عليك شصار ما صار
وغيرك لل* مفتاح ما صار
ادور عليك بالبلدان وامصار
ولكيتك بالنبض دكات الية

عونه الطال عشرتكم ونلهه
وعنكم عيب نتسله ونلهه
الدنية ثار اطلبها ونلهه
لان حرمت شافتكم عليه

هدية لكل العراقيين
00000000
00000000
00000000
00000000
00000000
00000000
00000000
00000000
00000000

أشعار عراقية - هدية لكل العراقيين

أشعار عراقية - هدية لكل العراقيين

مواضيع ذات صلة