انة بگلبي سوالف مالهة سطور

من طرف Just Love السبت 19 نوفمبر - 23:54

انة بگلبي سوالف مالهة سطور

وارد احچي بصراحة وياك عل المكشوف

مو طبعي النفاق ولا حچي الوجهين

ولو احچي الصدگ ما اعرف انة الخوف
تعارفنه وحچينه بطيبة النية
وجرتنه السوالف والحچي معروف

اريدك تفهم المضمون مو كلمن

يدگ الباب نوگفله ونمدله اچفوف

ولاكلمن تبسم لو ضحك

النه يصير ابينه مألوف

تره الينظر فصال الثوب

من تفصاله يعرف اصلي لو مريوف

انة الحبيت روحك گبل لاشوفك

وصغتلك بالگلب سچة اعله مد الشوف

وصرت انت الفرح للروح

مثل شوگ اليتيم وللفرح ملهوف
تعاندني السطور لو ردت اكتب

ويطوف اسمك غفل مابين الحروف

اصد للروح الگاهه تسولف بيك

ولون رسمك بروحي وبالخيال يطوف

بعيد وعل البعد مجبور
واشوف العين حيرانه بدمع مذروف

لملمت العمر وتعده بيه الريل

وماظنيت چلمة فرح عيني اتشوف
من شفتك نصبت من الحزن افراح

وبليلي الصبح وية الگمر صار اضيوف

لچن من توعد وتخلف
اظن ليلك فرح وانا بليلي الگمر مخسوف

كلام جميل ورائع

عاشت الايادي والذوق يا ذوق

تقبلي مروري

من طرف Just Love الجمعة 16 ديسمبر - 1:32

الجميل والرائع والذوق اهو حضورك حبيبتي

الج اعذب تحيه

انة بگلبي سوالف مالهة سطور

انة بگلبي سوالف مالهة سطور

رد: انة بگلبي سوالف مالهة سطور

رد: انة بگلبي سوالف مالهة سطور

مواضيع ذات صلة