شوفوا هذا الشعب مرة.............الى الشعب العراقي الجريح

من طرف Just Love الأربعاء 4 أغسطس - 14:25

اشما يطول العمر بيكم ..هـ العمر يبقى گصير
اشما كبرتوا اشما شمختوا ..للگبر حد المصير
شوفوا هذا الشعب مرّه ..وعيشوا وياه بضمير
راسه شال الضيم كاره ..وما يهمه اشما يصير
وانتوا ما بين الكراسي ..كل وزير ايضد وزير
وعفتوا هذا الشعب وحده ..شايب وشاب وزغير
وينه ذاك الوعد وينه ..يالگلت باچـــــــر نصير
مثل هاي الدول واحسن ..ونفرش الحوطه عبير
وينه ذاك الخير گلي ..يا وزير ابــــــــن الوزير
خيركم ما شفنه منه ..نخال من جرش الشعيـــــر
ضاعت احقوق اليتامى ..وضاعت احقوق الفقيـر
وضاعت احقوق الشهيد.. وبگتوا كل راتب اسيـر
ارد اذكركم .. ولكن ..خل يصير اشما يصيــــــر
امن انتخبناكم جهارا ..وگلنه بلكي ايصير خيــــر
ليش بعتونه بدراهم ..ليش هيأتوا النه بيـــــــر ؟؟
والله لو ندري بچذبكم ..ما اجيناكم مسيـــــــــــــر
والله لو منتخب رگه ..اشوه من چهرة بعيـــــــــر
نريد حصة كهرباء .. نريد شارع بيه ضـــــــــوه
انريد بالشرجي اليمرنه .. كون نشتم بيه هـــــــوه
وكون نشرب ماي دهله .. وكل گلب بينه ارتـــوه
وكون بالمستشفى نلگه .. للمرض حفنــــــــة دوه
وكون كل عيد اليمرنه .. نمشي كل احنه ابغــــوه
وكون نتركهه السياسه .. وقصـــــــــة ام السعلوه
وكون كل واحد فقير .. ويه الغني يصبـــــح سوه
ليش ياموطن شعبنه .. شعبك بجمره انچــــــــــوه
ونعرف الطبخه من اصلهه .. اشلون هيه مستــوه
نعرف ايبيعوك سكته .. او بالقصد بالمحتــــــوى
لكن اصبر يا شعبنه .. الطلعة البيـــــــــــده اللـوه
الطلعة لبيده اللـوه