وسط كلبي جرح ضنيتك انت دواهـ
وتوافيلي بمحـــــــبتكـ ماتجافينـــــي

وردتك للوفه تمثال بين الناس
وكلت فدوه الك عمري ونضر عيني

ماخنتك ابد لابعت حبك يوم
وحبيتك صدك من كتلي حبيني

لناري البلكلب ضنيتك انت الماي
وتسكّت جروحي ودمعي وونيني

لكن من اجيت النفط جبته وياك
وعلى ناري تصبه تريد تجويني



حرام عليك كلبي تحمل اوجاع
وفوك اوجاعي انت الزدت الهموم

انا الردتك دوه وضنيتك هواي
ومكانك بالكلب اعلى من النجوم

ليش تبيعني وتعرفني وفيت
وعفت كلبي بحزن ولوحده مالوم

بس صوجي عشكتك وانت جذّااب
وماادري الغدر بيك انت مرسوم

غشيم الي يحب هالوكت ياناس
لان مات الوفه واليحب مظلووم