الغربة ماتنراد

من طرف **iraqnt** الجمعة 10 يوليو - 15:19

نــــاديت من الغـــرب مــحد ســـمع صـــوتي

لاابـــوي لاصـــحبتي لاأمــي لا أخــــــــوتي

بالـغربه احــس مخــتنك واريــد ابجــي

واصـــرخ حـــيل

ومــرات احــس انــتهت روحــي وكـرب مــوتي

انـي وجــنطـتي ارحــلت والدمــــعه بعـــيوني

لا اخـــو المـــني جــزع لا أهـــلي مــــلوني

عـــفت الـــدلال ورحــت للـــغربه نـــص الــيل

ودكـــيت بــاب الغـــرب والمــــايعــرفــوني

الـــمايــعـرفك مـايثــمنك والمــامجربك مـا يئــمنك

درت الشـــوارع مــشي والحـــيرة بــقدامي

وضـــنـتـي بهـذا المـــشي تتــحقق احــلامي

ثــاري الــــشوارع مـــاهي الــنه ووجوه ماهـي

وجـــوه أهـــلنه

غـــربة ونــدامه وألـــم والــجــار يـاكــل جــار

والــنــاس مـــثل الــحــجر وعـــيونــهم بــسمار

بــاجره انـه مـن الصـــبح راجـــع لأهــلي رجــوع

وأنــسه الــصار والـــجره واقـــفل علـى المــوضوع

تحياتي لكم