دفعوه ما رجع من وحدة الباب { للشاعر ايهاب المالكي }

دفعوه ما رجع من وحدة الباب

على بابج بعدها اثار الجدام

انتي الجنة بس ما رهموا وياج

لذلك وي جهنم صاروا ولام

بيت الـ انتي بيه ويسكنة ابو حسين

الـ يدكَ بابة لازم يلبس حرام

انا حاير شلون الباب ينلاح

عالي وما تلوحة جفوف الاقزام

كان الله بعونج شفتي بسمار

بالمحسن ينفذ حكم الـ اعدام

نفسهم هم ذولة الـ دفعوا الباب

نفسهم باجر يحركَون الخيام

اجو يم بابج وفز خايف الليل

مثل الـ يصحى من نظرات الاحلام

وتبعناهم وبالتاريخ يمشون

شما يمشون خطوة يوكَع لثام

ملامحهم سيوف منكَبة بليل

ومثل شكل الخناجر عدهم اجسام

جيبي وياج ضلعج شاهد اثبات

من ينفخ الصور وتحيى العظام

كسر ضلعج عكس كل جيش مكسور

الجيش الـ ينكسر ما يرفع اعلام

لذلك باجر انتي بيوم الحساب

على هيئة ضلع ينطونج وسام

اذا تتقارنين بثورة الدين

بس بابج يعادل فجر الاسلام

يوم الله يختم فوق الافواه

من بابج خصمج يسمع ختام

اذا ينشر المرء بهيئة اعمام

من جفوف اديهم تطلع اصنام

بيتج بالطبع مستهدف يكون

لان هو اول حكومة تحب الايتام

بعيون اليتامى صورتج طير

ابيض وبسماج رماح وسهام

خفت الجرح ينشف والهوى يضيع

تدرين اليتامى بجرحج تنام

الهوى يجيب أعلى متنة عطر الورود

بس عطرج تجيبة متون الايام

ورة بابج الطف موجود بالبيت

طف بس عايزة عباس وخيام

ما يقبل علي يمسونج بسوء

لكن للرب ما يكسر احكام

مقامج عد علي شي فوق الاوصاف

بكثر ما عن مصابج كتبت اقلام

بختهم بالوصية ولا ما جان

ينعد الصفر من ضمن الارقام

وحقج لو علي متناوش السيف

جا عرفوا ببيتج ربج شضام

ومحد يرجع من السيف بي روح

ما يطلع الـ يدخل حقل الالغام

السلام عليكِ يا سيدتي ومولاتي

السلام عليكِ يا أم ابيها

السلام عليكِ يا سيدة نساء الكونين

تحياتي لكم

دفعوه ما رجع من وحدة الباب { للشاعر ايهاب المالكي }

دفعوه ما رجع من وحدة الباب { للشاعر ايهاب المالكي }

مواضيع ذات صلة