مرة ردت اتصورك

[center][size=21]مرة ردت اتصورك شت عكلي بيك
ومن يشت العكل ياهو ايرده ألي
هي كل الرسل سمّاهه الجليل
وستحه من اسمك وماسمّه علي
*******************
اليذمك علي ايسميك ابو تراب
وسر الكون كله بهذا اسمك
ابو الدنية علي لن كلهه من تراب
البشر اولاد ادم واصله منك
على كلشي انته تكدر. تكلب الكون
وتكض دمعك على الايتام فنك؟
علي محني الظهر تتختل الليل؟
وانته الماوصل جيدوم يمك!!!
تخاف السان ليلك يحجي للناس
وتخاف الناس حيدر تحجي عنك
واثاري الحنه ظهرك جوع الايتام
وعلى حال الارامل ثكل همك
تطشر ندى على اوراق الاشفاف
وترد بسمة طفل حيدر تلمك
يانسمة عذيبي بكيض الايتام
يالحارم منامك طعم حلمك
ياشيلة ستر للفرعاهه العوز
وعلى صبخة حزنهم خضرة جدمك
بهدم غيرك اتركع ليل ونهار
ومل ابنك علي ايركع بهدمك
علي التاريخ صخرة وانته فنان
وبسيفك علي اسمك نحته
ابساط السيف جان وخصمك تراب
ودرت ظهرك شمال وبس نكثته
على جوع الارامل تنكلب قوس
ظهرك ينحني ونشابك انته
ترميهم بروحك ياعلي الجيش
لذلك جانو يموتون سكته
تنثر خوف بيهم جنت فلاح
بوسط اكلوبهم خوفك شتلته
التم الجيش كله وصار رجال
وكلك انه انه وانته انته؟
نسى وزامطك جان الجيش مجنون
بكفه جف سيفك على الخد سطرته
ربو بيهه الزلم فحطانه اجتليك
وسيفك عاصفه وهبت عليهم
أذن ماتو خنك ياحيدر الجيش
صحيح انته سبب بس من اديهم
شبح اسمك علي خبّلهم اخبال
وقسم بيهم انتحرو لا يجيهم
بساميرالزلم والسيف جاكوچ
وعلى الواح الارض ضل يدك بيهم
*****************************
علي الحارت جميع الخلك بسماه
بدمعته لليتامه تشوف بسماه
بنعل سيفه يكسر اخشوم بس ما
كدر نمله يسلبهه خطية

الشاعر
أحمد الموسوي

[/size]

[/center]

مرة ردت اتصورك

مرة ردت اتصورك

مواضيع ذات صلة