علي مو بس إسم

[size=25]علي
علي مو بس إسم...

مو بس إسم ... لا

علي محّد يعرفك بس محمد

علي ولو ما إلاهك يعرف البيك

چا ما ظل لهسّه إسمك مخلّد

علي كلنه جهل چيه ما عرفناك

لأن بينه نفوس إبحاجه للشد

علي واعينه أمي إشما درس بيك

ما يوصل عشر معشار لو جد

علي عمق الرساله وعلم الأديان

علي الكل نبي ومرسل صرت مسند

علي الواگف على الطوفان وي نوح

علي الفرعون ذلّه إو وگفه الحد

علي مالا نهايه إشما گلت بيك

علي وكلشي إلك بالكون أنشد

علي مخلوق ربك بس خلق خاص

علي إنطرلك جدار الكعبه ونسد

وثابت ندري إبقانون الإنجاب

بس قانونك الما شابه أحد

إذن مو آيه بس صح انت قرآن

وتفسير إسمك إبوحده مجلّد

علي وعاللوح إسمك علي مكتوب

علي ومن نور إلاهك نور تنعد

علي الدين انت كله وانت يعسوب

وبسمك ياعلي الدين إيتجدد

علي وما شفنه عابد شابهك دوم

لا من علمك ولا منّك أعبد

علي ولا شفنه أبلغ منّك اليوم

علي ونهج البلاغه إعليك يشهد

علي ولا بالكرم أحّد وصل ليك

إذا رب العرش سمّاك الأجود

علي وعند الوغى ومن تحمه السيوف

يظل چفك على الفقّار مصمد

علي من يا كتر يتوصف البيك

والبيك إفتخر الله ومحمد

الشاعر
عادل العضاض
[/size]

علي مو بس إسم

علي مو بس إسم

مواضيع ذات صلة