نام يا ولدى...

أنا مغناطيس والحظ خشب

ماشى فى الدنيا وبلواى عجيب

شكوتى للكون أحكيها

والحزن سكارى منه

فى كاسنا سكب

ألف كون...ألف قمر

ألف دمعه وعلم

يرفرف فوق العباد

ثوره قامت دنيا جلجلت

كيوم الحشر...وهول الميلاد

العيون فىالدنيا سامره

خاضره...ألوان كلون الطيف

تطوف حولين كل شئ

-حلو ده أوى يا بابا

بحبه مش هاسيبه

-خلاص يا بنتى أول ما أقبض هاجيبه

تنزل الدمعه ترفرف

على وجنات البريئه

فى الجولان سرب طاير

يرسم اللوحه العجيبه

ألف على قفانا ترن

واحنا بردو بندفع الضريبه

ضمير وصاحى

وقلب موَّت معاه الضمير..

والله أصدق أبويا

يقولى : إحنا شوية حمير ...

فى النجيل نصرخ

مثل الديابه

ترعى فى صحرا فلاه

أحلامنا جلت

من أساوير الطغاه

عمر رايح فى السكون

قلب مكسور لأم

يداويها كلامنا الحنون

يدايوها ابنها اللى راح

لو يرجع يسمع صرختها

يا ابنى : ...

هاتروح ما ترجع

حلمالك يا قلبى بالشهاده

نتقابل فى جنة الرحمن

ترفرف بينا السعاده

على الفطار

تمره راحه...تمره جايه

كوباية بلح تنادى الأذان

تصبر الأيد الأبيه

رصاصه فى الظلام والسلاح كان بعيد

تقتل كل شب مهما كان عنيد

مجدع يا واد شجيع محروس

م العين

التمره كانت فى بوئه لما

حضنته رصاصتين

المجدعه حلوه

ومالها سن

لكن من غير سلاح يحميها

ألف كف على أفانا يرن

أنا مغناطيس يا بلدى

يا سجونى..يا شجونى

يا شمس ماشيه للمغيب وواخده

معاكى حلمى وجنونى

حظى خشب

يا أخر كلمة حب هاكتبها

فى عيون حبيبتى

هـ اسجل تاريخ الأرض

الأبيه ومش مستنى ضربتى

ولا أقولك ما اخلينى ابن الملوح

ولا روميو ...

وادلدل القُصه

تجرى ورايا البنات

أصلهم عميو

يا طرابين الهوى

ينادينى قلمى

آه يا عبيط ...

والهوى يعنى هايجيلك

راكع تعبيه زى العبيد

الهوى زى طير

عالى فى السما

تناديه يبصلك

يستحقرك تدعى عليه

يبتليك إنشا الله

بعمى ...

مين اتعمى

مين للقضيه

يا وطنى رمى

كل شئ فى حياتنا رخيص

إنسان رخيص

لما رضينا يحكمنا خسيس

تلاتين سنه

يبقى الشعب اتعمى

الثوره حلوه

قالها الطفل الصغير

لأمه على لحافه قبل ما يهرب

من الزحام

الثوره حلوه

قالتله إياك أسمع

منك تانى دا الكلام

الثورجيه اللى خلو الدنيا

ظلام..فى ظلام

خربوها وقعدوا يحلموا ببكره وليمه

بس ده أقسى من الصيام

مع المغرب

بنفطر..

إنما ده كان عذاب

كان هلاك

زى ما تقول وتحب

اكتب قصايد

غنى للصبح اللى جاى

اهدم بأديك السد المنيع

نام يا ولدى

لاجل ما يصبح الصبح

وتيجى الشمس

تزين سمانا بألوان الربيع

نام يا ولدى ..