شعر العملاق أيهاب المالكي لأمير المؤمنين وسيد الوصيين الامام علي بن ابي طالب ( عليه السلام)

علي بطاري اسمك عيون اليتامة تنام

بس يغفن بالمهن والجفن يدمع
يتامه بطونهم مالكت حل للجوع
والمايلكة حل من الصعب يقنع
علي منين ابتدي وانته تعرفهن زين
علي الشباج اسئلة شكد قصص يسمع
علي كون بعهد جنت انته تحكم بي
ترتد العقارب والزمن يرجع
ولو مودوم لو بس ثانية كدما
الايتام الجياع من الخبز تشبع
لان ماتطعم اللكمة بمقابل صوت
ماتنطيهه مرة ومرة لاتجزع
على ماجان الك يد بتجارة ومال
علي عن كل هذني من الذكر ترفع
علي ماخصصت لاجل الدعاية اموال
ماوصيت قنبر بالورق يدفع
علي اعذرني علي بس للسؤال اسباب
علي بره العراق اتملكت مصنع ؟؟
تجل لوهيجي مااعرضت عن كفار
ولاوية ابن عمك بالامر تصدع
علي يم سيفك اتنشز سيوف الغير
ويبين الطافي من الصدك يلمع
علي كون الشعر مووحي بكيفي ايصير
جاكل القصايد بس الك تطلع
وجاماكتب قلمي بغير حبك بيت
الى ان احرف اسمك بالقلم تطبع
علي لومالكينه ورق نكتب بي ؟؟
علي نلكه البديل من الجلد نشلع
علي كون القصيدة الالك بيهه ابيات
علكد مابليلك تسجد وتركع
وكون ايزخ صور غيم الخيال وياي
الى ان كل ورقتي من الشعر تنكع
وماحط بيت بيهه سد فراغ ايصير
الما ماخذ مكانه من السهل يطلع
علي ليك القصيدة غيره بيهه تكون
بس انكلهه بسمك علقلم تفزع
تسمعهه المنصه وتنحني منتشوف
علي بيهه احتراما والخشب يخشع
تتمسى قصيدة لو فقط بس بيت
ماينقصهه تكمل لو بقت مقطع
ماتخضع نقد تملك حصانه شلون
علي موجود بيهه وللنقد تخضع ؟؟
لو يدري علي بيهه غلط موجود
جامن البداية ماقبــــــــــــــل تطلع

رووووووووووووعه القصيده يعطيك الف الف عافيه

شكرا للمرور
نورت الموضوع

ولو واجبني
نورك العاكس

شعر العملاق أيهاب المالكي لأمير المؤمنين وسيد الوصيين الامام علي بن ابي طالب ( عليه السلام)

شعر العملاق أيهاب المالكي لأمير المؤمنين وسيد الوصيين الامام علي بن ابي طالب ( عليه السلام)

رد: شعر العملاق أيهاب المالكي لأمير المؤمنين وسيد الوصيين الامام علي بن ابي طالب ( عليه السلام)

رد: شعر العملاق أيهاب المالكي لأمير المؤمنين وسيد الوصيين الامام علي بن ابي طالب ( عليه السلام)

رد: شعر العملاق أيهاب المالكي لأمير المؤمنين وسيد الوصيين الامام علي بن ابي طالب ( عليه السلام)

مواضيع ذات صلة