شمالك يا زمن مو زين ويَّه الزين

من كثر المصايب راحن عيوني

درت وجهك علي وانسدت البيبان

واصحابي وهلي يا حيف باعوني

اصرخ والخناجر تاكل بروحي

يمرّون إعله بابي وما يمرّوني

چنت آني العزيز الغالي لو مرَّيت

وعيد يصير عدهم من يشوفوني

گبل ما اسلم اني.. گالو أهلاً بيك

وعلى اچفوفي يدنگون ويبوسوني

يوم اللي طحت محَّد وصل للباب

أعاين عالربع شو ربعي عافوني

من چانت إجيوبي مترَّسات افلوس

بالميَّات وكثر چانو أصحابي

ويوم الي فرغ جيبي مشو عني

محَّد بالچذب مرلي ودگ بابي