كَلي شنو عندك قصر بالنظر لو متشوف جرحي كَبال عينك شنهو متشوفة

وك تكتل بديك الخيط والمخياط جا ليش الجرح ما تكَدر تروفة

الظاهر تحب لون الحَمار هواي لذالك عايف انت جروحي مكشوفة

متع عينك بالنظر علماي والجرح عوفة...

تعال تعال نكعد ونتحاسب حسبة مال احباب واكَلك بالاحسة وانت هم كَلي

وك تعال وخلي نشرح الاسباب وخلي على الحروف مطابقة الخلي

اذا كل شبر ليّا انت تحبة بالميليم واذا بكَلبك اعيشآ فقط ..؟؟

يل محبوب ورب الكعبة كِلَك عايش بكِلي نتعارك نعم مرات اني وياك وتكتلني كتل وهواك ما اتركة

وبالعركة اكيف من عليا تفوز اشعر جنا اني الي فزت بالعركة

وبالعركة ابد ما اريد اي حاجوز انا الرايد معارك شلي بالحاجوز عركتي وياك كلها مخاطر

الشبكة اكتلني بعد وفركني حد الموت الذهب يصدى بريقه لمن تفركه