انتي وين واني وين ( شعر شعبي تحشيش )

من طرف **iraqnt** الأحد 24 مارس - 20:26

أنتي وين واني ويـــــــن **** شكد فرق بين الاثنيـــــن
أنتي كومه فلوس عـندج **** وأني شيخ المفلســــــــين
أنتي كل اكلج نواشــــف **** وأني خبزه وهم عجيـــن
أنتي عندج كعب عالـــي **** وفوكاهه درزن فساتيــن
وأني عندي نعال واحــد *** ودشداشه وحدة من سنيـن
أنتي عالموديل لبســــــج****وأني ستره ام فتحتيــــن
خوش ستره الناس كالت *****تركها جدي شكد حنيـــــن
شلون ستره اللون أخضر** *وبيهه ياخه مترتيــــــــن
تالي طلعت هم جبيــــره*** *وما حسبت جدي سميـن
أني وزني 12 كيلــــــــو ** * وجدي فوك الوزنتيـــــن
أنتي طب الدش عدكــم *** والله يعلم من سنيــــــــن
وأني تلفزيون عــــــادي *** * ويشتغل بس ساعتيـــــن
يشتغل السبت ساعه والأحد *** عطلته ومشوش يوم الأثنين
بيه شفت كعبول مـــــره *** وماشفت ساسوكي زيـن
أنتي كل حجيج نزاكه please أنــت * * و sorry أنـت hello من تسلميـن
وأنه بالجا أحجــــــــــي ** * وأدري أنتي ما تفهميــن
من المشي رجليه سافت *** وأنتي B M تركبيــن
لا تكوليلي أوصــــــلك *** وين رايح لا تسأليـــــــن
هذا تعبج كله ضايـــــع *** لا ما أصعد وأنتي تعرفين
السبب مو عزة نفس تمنع *** * لا خجل لا لا تظنيــــــن
السبب صارلي سنيــــــن *** حاير يدة الباب ويــــــن

من طرف Prince Mody الأحد 28 يوليو - 8:06

موضوع مميز يعطيك العااافيههه

انتي وين واني وين ( شعر شعبي تحشيش )

انتي وين واني وين ( شعر شعبي تحشيش )

رد: انتي وين واني وين ( شعر شعبي تحشيش )

مواضيع ذات صلة