خلوني اشتكيله جور الايام

من طرف مـــلاك السبت 4 مايو - 13:13

دَلوني اعله قَبره وروحوا مني
أريد احجيله بهمومي هَذني!!

حبيب الروح هذا وروحي وياه
أشعجب ما صاحني القبره ويظمني!

أريد اغسل له قبره ابدمعة العين
وأسئله اهناك هَم بعده يحبني!

دَلوني وأريد اتعاتب اوياه
عندي اعتاب خاف ايخيب ظَني!

وأذكرَنه ابكلامه خاف ينساه
وَكله ليش جياتك جِفَني!!

حَبيبي ابكل مَشي ياخذني وياه
اشعجب هالمرة ماشي وما أخذني!

مايتركني وَحدي وحلف بِاللَه
أشوفه ناسي حلفانه وتَركني!

جبتله صورته الماخذهه وياي
وأذكرنه ابمحبته لو نِكرني!

جان البيت ما يلفنه الهموم
هسه ابغيبته كلهن لِفَني!!

خلوني اشتكيله جور الايام
وأسولفله الليالي السَهرَني

تمنيت العمر يتكضه وياه
بس يا للأسف خاب التَمَني!!

دَلوني اعله قبره وأسئل اشلون
نايم بالقبر وتخله عني!